هذه بعض من الروائح الطيبة من عبق التراث الفلسطينى فى أفراحه .. دامت ديارنا ودياكم بالأفراح

اليوم جبتلكم اشي كتييييييييييير حلو
بذكرنا بالكرمية اعادها الله لملتقانا عاجلا وهي بكامل صحتها وعافيتها ويجعل غيابها لخير
اغاني الاعراس زماااان ايام سيدي وستك واللي في منها هلا على شكل اغاني حديثة وهي كالاتي ::

الأهزوجة التراثية فى الأفراح

1)عند خطوبة العروس

لا تقولوا يا أجاويد بعدّ المال انذلينا
دفعنا خمس آلاف وع الكراسي صفينا

لا تقولو يا أجاويد بعد المال فلّسنا
دفعنا خمس آلاف وع الكراسي جلسنا
******************

2)المهاهاة

هوي صلاة النبي على عروستنا
هوي زي القمر ضاوي حارتنا
هوي صلاة النبي على عروستنا
هوي احنا المزيونات والزين عادتن

هوي السمر و البيض لاقِنّا على المية
هوي السمر حواجبي و البيض عينية
هوي و السمر ترياق للي تقرصوا الحية
هوي و البيض فناجين لشرابين القهوة

هوي الطول طول الناقة و الشعر مثل الليل
هوي يا نايمين الضحا انتبهو بالليل
هوي العريس صاد الغزالة
هوي اللي عليها العين
*****************

3) يوم الحنة - ساعة الحمام

واخليلها الحمام يا عريس يا مرجان
من مبارح العصر حمامها مخلي
يام عين وعين يا هيه
يام عين وعين يا عروسة
من الشباب اثنين يا هيه من الشباب قتلتي
بعد الحمام
حلت جدايلها و الشمس ما طلعت
غاب المغيب الها و نص الشعر محلول

وقع مشطك في طشتي يا فلاحة
ابوكي راضي و اللانزيدو ملاحة

وقع مشطك في طشتي يا شلبية
ابوكي راضي ولا نزيدوا مية
***********************

4)عند اخذ العروس

قومي اطلعي قومي اطلعي ما يهمك
ع شروط ابوكي وعلى شروط عمك

قومي اطلعي قومي اطلعي من حالك
على شروط ابوكي وعلى شروط خالك

يخلف على ابو العروس يخلف عليه في الاول
طلبنا النسب منو اعطانا غزال مصور

في الطريق إلى بيت العريس
حيوا ابونا حيو ابونا
خيرين لا ترعبونا

من الشارع الضيق مرقنا
داخلين عليك يا سيد تحمي جملنا

يوم طلعنا ع الزفة رشينا العطر ع الطربوش
تستاهلها يا عريس و التاكسي ع باب الحوش

يوم طلعنا ع الزفة رشينا العطر ع العقال
تستاهلها يا عريس و التاكسي ع باب الدار

صلوا ع النبي يا للي في الشارع
صلوا ع النبي و العريس طالع
صلوا ع النبي يا للي ع البلكون
صلوا ع النبي على زفتنا اليوم
********************

5)السامر و الدبكة

يام الفريح و مبارك ما عملتيلو
جوخة جديدة وبنت اكرام جبتيلو

يا بنت عمي قتلني البرد غطيني
بين القلايد و جوة الصدر حطيني

جابولي الكِبِر قلت الثوب بيكفي
واجب على الرجل ان قال كلام يوفي
أغاني الشبابة
لدير الفرح و اغني عندك محمد و العقبة عندك
صاحب الدلعونة و اقف قدامك ياللي بتدلعن زبط كلامك
**********************

6)عند تقديم الغداءيوم العرس

على العيش على العيش يا مين كان جعان
جعان حود عندنا شبعان روح غاد
كرمال ابو العريس ابو محمد يا جاري
هلت علي العرب و الترك في داري

الله يحيي العرب و الترك لو نزلت
كرمال ابو محمد انا اللي اذبح واغديهم
كرمال ابو محمد انا الي افرش و احييهم

هذه بعض من الروائح الطيبة من عبق التراث الفلسطينى فى أفراحه ..... دامت ديارنا ودياكم بالأفراح

دلعونة لاجئ فلسطيني...

***
**
*
وعلى دلعونا وعلى دلعونا
فداك يا فلسطين الروح والعيونا
****
بحبك يا ارضي والله بحبك
وأنا اللي كتب شعره في حبك
امتى رح أشوفك وأسعد بقربك
يتهنى القلب وتسعد العيونا
****
من بعدك عني ما عرفت الراحة
فكري مشغول والعين نواحة
ويا اللي ريحانك دايماً فواحة
ما ارضى بدالك ولو مليونا
****
بحدث عنك كل رفاقي
بحكي عن حبي ويشرح أشواقي
والله يا ارضي بيوم التلاقي
لنغني سوى على دلعونا
****
يلي هواك غير لي حالي
غير أفكاري وطور آمالي
من أجل عيونك بسهر ليالي
وبكتب لك غنوة أحلى ما يكونا
*
**
***

من كتاب ( الأغاني الشعبية الفلسطينية )

نبدأ

أولا :

يآبو العيون السود

يا بو عيون السودي
لاصير الك رصودي
غير بعينك محلي
وأنا طلعت مطرودي
****************

يابو عيون ملاحي
تجرح بغير سلاحي
سكرت قلبي بأيدك
لا يضيع المفتاحي
*************

يا زين يابو شورة
خدك مثل البندورة
ومحبتك في قلبي
بحشت وعملت جورة
**************

يا زين يا حلو الأدب
رامي العصيبة عالهدب
مثلك ما شفنا في العرب
ولا في مدينة معمرة
رب السما يثبتك
رميتني بمحبتك

مالي عليها مقدرة

************
يا زين يا بو قندرة
مشيك دلال وغندرة
يابو فديلة منثورة
قلبي بحبك أشكره
************
جودي علينا جودي
يا أم العيون السودي
وأنا خايف من جوزك
يضربني بالبارودي
*************

جودي علينا جودي
بالعجل لا تتوني
لو يعلم لاجوزك عني
بيضربني بالبارودي
**************

يا بو عيون ينعسن
يسلم جمالك والحسن
والبيض يومن يلبسن
باشا وماخد مسكرة
************
يا زين يا بو محرما
قلبي بحبك بالومى
ناشتك برب السما
تدير العصيبة لورى

ثانيا :

عآلدوم عيني عآلدوم

عالدوم عيني عالدوم
ويش جاب مبارح لليوم
**************

عالدوم دم لي ودملك
يجمع شملي على شملك
يا ريت عمري وعمرك
بقصر عالي دايم دوم

*************

عالدوم يا بطاطا

واربع ليرات فراطا
اعطيهن للخياطة
تخيط لي قميص نوم
*************

عالدوم عيني عالدوم
ويش جاب مبارح لليوم
امبارح بقت كتمة
واليوم قمر ونجوم
*************

عالدوم يا نصراني
يا عباد الصلباني
لارهن عندك فداني
وافك عشيري المظلوم
**************

عالدوم يا جبلنا
وطالك ثلج يا عالي
والجنة عند أهلنا
والروح عند الغالي

**************

والبيضة قالت أنا القمر
يضوي عكل النجوم
*************

والسمرة تقول أنا الغيم
آجي من فوقك بعتوم
والبيضة تقول أنا الجوخ
ملبوس الأكابر دوم
والسمرة تقول أنا الحبر
آجي من فوقك بختوم

*******************

مشيك دلال وغندره

يابو قذيلـة منثورة
مشيك دلال وغندرة
زينك ماشفتـو بالعرب
ولابسرايا معمّرة
زينك ماشفتـو بالمِدن
زينك غلب عذبة وحسن
والبيض يوم الــ يلبسن
يزيدن عالسمـر غندرة ..

*********

سبّل العيون

سبّل عيونـه ومد إيدو يحنّـوله
غزال زغيّر وكيف أهله سمحوله
وش هالغزال الذي عن دارنا مارق
خصره رقيّق وبوزه بالعسل غارق ..

*********
واردات على النبع

ياواردت عالنبع
ياواردت عالنبع
ماتسقيني من الجره
وحياة عينك ياسمره
وحياة عينك ياسمره
مابوخذ غيرك بالمره ..

**********
من مزرعتي

من مرزعتي ومن تل العاصور العال
ضحك البيدر للغله وغنى موال
ياحيفا عالصناره ثوبك منسوج
دمعك مثل القطارة ينزف عالموج
البحر تغشّم ياخسارة عندي والموج
من كوشان البيارة خوذ العنوان ..

***********
زريف الطول

يازريف الطول وكّـف تــ كلّك
رايح عالغربة وبلادك أحسنلك
خايف يازريف تروح وتتملك
وتعاشر الغير وتنساني أنـا ..

******
وين عــ رام الله

وين عــ رام الله
وين عــ رام الله
ولفي يامسافر
وين عـ رام الله
ماتخاف من الله
ماتخاف من الله
خذيت قليبي
ماتخاف من الله
عــ بلاد بعيده
عــ بلاد بعيدة
رايح ياولفي عــ بلاد بعيدة
راجع أكيده
راجع أكيده
عــ أرض بلادي راجع أكيدة ..

********
على دلعونـا

على دلعونـا
وعلى دلعونـا
باي باي للغربة الوطن حنونـا
ياطيرٍ طاير سلّم عــ البيـرة
عــ القدس الشريفه
سلّم عالطيـرة
وتراب بلادي سجاد حريرِ
والميّـه بلسم والبُعد جنونـا ..

************
عللّي نارك علّيها

علّي نارك علّيها يابن كنعان
حمّصلي العدانيـة باب الديوان
حمصها بالمحماصي يعبي الراسي
واسمعني من مهباشك أحلى الألحان
بهّر هالهال الأشقر مع جوز الطيب
تسكب سادة وتحيّي جموع الضيفـان ..

*********
هز الرمح

هز الرمح بعود الزين
وانتوا يانشامى منين
واحنا شبابك فلسطين
والنعم والنعمتين
نقطع النهر بأمان
والخصم شاهد عيان
ترّخ عندك يازمـان
ظلم وغدر الغربييـن ..

شكرااااااااااااااااااا لك على هذا و عقبال مينفك حصاااااااااااااااااااار غزة تسلم ايدك يا عاشق برشلونة الله يحفظك ويرعاك ويحميك من كل شر انت فعلا مقدم جهد كبير للمنتدى تسلمووووووووووووووووو الكل طبعا بتمنالك الخير
دمت بووووووووووووووود ومحبة

يا أخت غزة المجروحة سلميلي على المدير محمود
بارك الله فيك
دمت بتألق ورقي

» هل الطيبة عيب أم ميزة ؟؟؟
» تخلصى من الروائح المطبخ